2113/2025-2026

Saitual the 12th September, 2025: Vawiin khan Dorawta Hall, Saitualah HIV/AIDS chungchanga inzirtirna beihpui ‘Intensified IEC Campaign 2025’ hawnna hun hman a ni a, District Bawrhsap Dr. Lalngura Tlau chu khuallian niin hun a hmanpui.

Khuallian Dr. Lalngura Tlau chuan kalkhawmte hnenah lawmthu sawiin sual kawng ti lo tur leh kawng dik zawh tur chuan mahni kan pawimawh ber tih a sawi a, chumi atan chuan duhthlanna hman thiam chu thil pawimawh tak a ni, a ti. Khuallian chuan HIV/AIDS chu a huhova natna pakhat do rawn lian ber a ni tiin, zirlai kalkhawmte chu ruihhlo ti lo tura thuthlukna siam tur leh an thuneihnate hmang thiam turin a chah.

Bawrhsap chuan nakin huna tahna thlentu chu tun hun zela nun hman fimkhur loh vang tih sawiin mahni nun vawn that a tul ziate a tarlang a, kalkhawmte chu an inchhir loh nan an nunte uluk taka hmang turin a chah a ni.

Vawiin Intensified IEC Campaign hawnna inkhawm hi Pu J. Thangzuala, President, Jt Village Council chuan a kaihruai a, Pastor B. Lalengzauva, UPC, NEI chuan hunserh hmangin Dr. R Zonunmawii, DPM/DISHA, Aizawl/Saitual chuan PPT hmangin Awareness Campaign pual thusawina a nei a ni. Pu Laldingliana, District Education Officer chuan lawmthu sawinain hun a khar a ni.

Vawiin khan kalkhawm zinga a duh apiang tan a thlawna HIV Test neih nghal niin zirlaite hnenah IEC materials (pamphlet, leaflet) te sem nghal a ni bawk. He hunah hian Saitual Town chhunga School hrang hrang, Govt.Saitual,High School, High School-II, Secondary Scool, RMSA, Presbyterian English School, Saitual te atangin zirlai leh zirtirtu 300 vel an tel bakah District AIDS Prevention & Control Committee (DAPCC) member te an tel bawk a ni.