2112/2025-2026

Dated : Mamit the 12th of September, 2025 : Vawiin khan Mamit District Level Committee on Distict Water & Sanitation Mission chu an chairman Pu K. Laltlawmlova, District Bawrhsap ni bawk hovin a office chamber-ah an thukhawm.

Vawiin thutkhawmah hian Swachhata Hi Seva (SHS), 2025 hman dan tur chungchang ngaihtuah ho a ni a, SHS hi khawtlang faina kawnga hmalakna tur niin Sawrkar laipuiin ruahmanna a siam dungzuia District Level a kalpuina dan tur hrang hrang ngaihtuah ho niin, faina kawnga hmalakna awmsa a achangtu District Urban Development Office leh Public Health Engineering Department te'n an hmalakna kal mek hmang remchang kalpuina tur te relho a ni.

Swachhata Hi Seva (SHS) faina kawnga hmalakna hi a khuhhawn nan 17th September (Nilaini) zingah neih nise tih a ni a, hun hman dan tur kimchang duan nghal niin, 25th September, 2025 Campaign kharhna hun hman dan tur pawh sawi ho a ni bawk.

Vawiin meeting-ah hian Member Secretary Er Helen Saibuangi chuan agenda te sawi hawngin Mamit District Level Committee on District Water & Sanitation Mission members te an tel a ni.