438/2025-2026

Saitual, the 2nd May, 2025: Vawiin chawhma dar 11 khan DC Conference Room, Saitualah Multi-Shopping Complex Management Committee te chu an chairman Dr. Lalngura Tlau, District Bawrhsap ni bawk kaihhruainain an thu khawm.

He hunah hian Chairman Dr. Lalngura Tlau chuan thu a sawi a, Multi-Shopping Complex enkawl tura Management Committee din a ni chu lawmawm a tih thu sawiin, building enkawlna kawngah pawh felfai zawkin hma an lak theih phah a ni, a ti. Bawrhsap chuan Building awng rawp mai tawh tur chu Management Committee enkawlna hnuaiah khawtlang tana tangkai leh rotlingah a chhuah theih phah tih sawiin, kalkhawmte chu a enkawlna kawngah tan la zel turin a fuih nghal a ni.

Vawiin thutkhawmah hian Multi-Shopping Complex Management Committee te chuan Multi-Shopping Complex atanga sum lakluh dinhmun te an thlirho a, Financial year thar (2025-2026)-ah chuan PWD assessment angin a luah man pawh pek ni tawh se tih rel a ni a.

Multi-Shopping Complex hi DC Office building hlui niin, Saitual Hmar Vengah a awm a, tun dinhmunah hian Excise & Narcotics department, District Hub for Empowerment of Women leh One Stop Centre, WCD te chuan an luah mek a, Saitual Adventure Club te chu luah turin an inbuatsaih mek bawk a ni.

Vawiin thutkhawm hi Dr. Lalngura Tlau, Chairman, Management Committee Multi Shopping Complex & DC in a kai hruai a, Multi Shopping Complex member te an tel bawk a ni.