437/2025-2026

Aizawl the 2^nd May, 2025 : Regional Conclave on Agriculture Infrastructure Fund (AIF) chu vawin khan ah McCabe Hall, Aijal Club ah neih ani a. He programme hi Pu.R.Lalzirliana, Director of Agriculture and Farmer’s Welfare in a kai hruai a, Pu P.C.Vanlalruata, Agriculture Minister chu khuallian niin he programme hi a hawng. Agriculture Department, Horticulture Department, AH&Vety Department, Land Resource, Soil & Water Conservation Department, Fisheries Department, Sericulture Department leh kuthnathawktu, Entrepreneurs, NGOs, Farmers organisations te leh banking institution hrang hrangte an tel a ni.

Pi Ramdinliani, Special Secretary to the Govt. of Mizoram chuan khuallian te leh programme a tel zawng te lawm thu a sawi. 

Pu Samuel Praveen Kumar, Joint Secretary to the Govt. of India, Ministry of Agriculture & Farmers’ Welfare chuan Agriculture Infrastructure Fund (AIF) chungchang sawiin, he scheme hi Mizoram tan a kawng hawn a nih thu a sawi.  AIF hi India ram a agriculture infrastructure hmasawn nana financial support na a ni. 

Financing facility anih ang in, interest tlem te in kut hnathawk te, entreprneurs te leh farmers organization te tan loan an pek chhuah theih thu a sawi. 

AIF hi nakum march thleng  dil theih ani a, India ram pumah Sikkim leh Mizoram chiah hian kan la hmang tangkai lo a,  chuvangin he scheme hi hmang tangkai ngei turin mizoram mipui te a ngen a ni.

Dr. KC Lalmalsawmzauva, Adviser to Chief Minister (handholding) pawn thu sawi in, Mizoram flagship programme  nen  he  scheme hi kal kawp thei anih thu sawiin hmangtangkai a, hma la ngei turin kalkhawmte a fuih.

Agriculture minister Pu Vanlalruata chuan AIF hi sum dah sa kan la hman tangkai loh remchang em em si a ni , bawhzui turin a la tlai lo ve, tiin kalkhawm te a fuih. He scheme hian Agriculture leh a kaihhnawih lam a hma la tu te sum lakluh nasa takin a tipung thei dawn a ni ati bawk.

Ministry lama kan ho tuten min duhsak avangin he programme hi nei thei chauh kan ni a, chuvangin an mahni leh AIF Officials te chungah lawmthu a sawi. He programme atang hian a tam thei ang ber zir tur leh tangkaipui ngei turin kal khawm te duhsakna a hlan.

Programme hawnna hi discussion session in a zui a, AIF chungchang  leh Mizorama hmalak theihdan kawng hrang hrang te sawi ho na hun neih a ni.

Chawhnu lamah ATMA review meeting neih nghal ani a. Hetah hian SAMETI, Mizoram leh ATMA, Mizoram ten an hmalakna hrang hrang presentation pe in, North East States dang ATMA ten online in, he Review Meeting hi an lo telpui bawk a ni.