1709/2026-2027

Saitual, the 10th August, 2026: Vawiin khan District Coordination Committee for NDD in a lo rel tawh angin National Deworming Day 2026 thawhhnihna August thlaa neih tur chu Govt. Middle School-II, Saitualah neih a ni a, Pu Laldingliana, DEO chu khuallian niin NDD 2026 August Round hi a hawng nghal a ni.

He hunah hian khuallian Pu Laldingliana, DEO chuan thu a sawi a, National Deworming Day thawhhnihna hawnna hun an hmang thei chu lawmawm a tih thu sawiin, Health department lamin a thlawna rulhut damdawi sikul naupang te tana ei tur an buatsaih chu lawmawm a tih thu a sawi. DEO chuan rulhut chuan naupangte taksa hriselna a nghawng bakah an lehkha zirna thlengin a nghawng thei tih a sawi a, zirlai naupangte chu kut sil dan an zirte tha taka zawm a, chaw ei dawnah sahbawn nen fai taka kut sil thin turin a chah a ni. Khuallian chuan phone ringawt an buaipui chuan hlawhtlinna an chang thei dawn lo tih a sawi a, zirlaite chu an zirtirtute thu awih a, lehkha tha taka zir turin a fuih nghal bawk a ni.

National Deworming Day hi naupang kum 1 atanga 19 inkar ten rulhut an pai lohna tura rulhut hlo pek beihpui leh rulhutin a nghawng thalote inzirtirna a ni a, NDD 2026 thawhkhatna chu February thla khan neih a ni tawh a, a thawhhnihna August round hawnna niah hian rulhut damdawi- Albendazole Tablets chu naupangte hnenah sem nghal a ni. School hrang hrangah naupang leh tleirawl kum 1-19, te chu rulhut damdawi pek an ni ang a, Aganwadi centre zawng zawngah naupang kum 1 atanga kum 5 te hnenah pek an ni dawn bawk a ni.

Vawiin NDD 2026 August round hawnna inkhawm hi Dr. Zothanpari Chhakchhuak, Dy. CMO chuan kaihruaiin, khuallian Pu Laldingliana, DEO chuan thu a sawi a, Saitual Health & Wellness Centre hnen atangin kul sil dan inzirtirna neih a ni bawk.