3957/2024-2025

Saitual, the 24th January, 2025: Vawiin chawhnu dar 1:00 pm khan District Hub for Empowerment of Women (DHEW) buatsaih National Girl Child Day 2025 kharna hun leh Beti Bachao Beti Badhao (BBBP) kum 10 tlin champhaphak lawmna chu Govt. Saitual College Auditorium-ah hman a ni a, Saitual Bawrhsap Dr. Lalngura Tlau chu khuallian niin hun a hmanpui.

He hunah hian khuallian Dr. Lalngura Tlau chuan thu sawiin, Saitual District-a hmeichhiate dinhmun chawikan nana hna thawk thintu DHEW te thawhrimna chu fakawm a tih thu a sawi a. Khuallian chuan India rama state dangah te chuan inneihnaa hmeichhe thuam chhawm (dowry) hautak lutuk vanga hmeichhe fa tihhlum leh tihtlak a tam hle a ni, a ti a, BBBP kum 10 zet India rama hman a lo nih hnu hian hmeichhe fa tihhlum chu hniam lam panin, Child Sex Ratio (mipa naupang 1000 zela hmeichhe naupang awm zat) Sex Ratio at Birth (hmeichhia nau piang hlim 100 zela mipa piang zat) a san phah bawk tih a sawi.

Khuallian chuan Mizo hmeichhiate chu zirnaah te, infiamnaah te leh eizawnnaah te hma an sawn hle tih a sawi a, chutih rual chuan hmeichhe chunga hleilenna a la thleng fo thin chu pawi a tih thu a sawi. Dr. Lalngura tlau chuan hmeichhiate dinhmun chawikan a pawimawh rualin venhimna kawngah hma lak zel a tul a ti a, Saitual District-ah ngei pawh hmeichhe baihvaite tluk luhna tur “One Stop Centre” din a ni tawh a ni, a ti. Khuallian chuan mipa leh hmeichhiate chu inel lo a inpui tawn tur an ni, a ti a, hmeichhe dinhmun chawikan leh venhim kawngah theih tawp chhuah zel turin kalkhawmte chu a chah a ni.

Vawiin hun hmannaah hian chu Pi Lalramhlui Gender Specialist, (DHEW) chuan powerpoint presentation hmangin Mission Shakti chungchang a sawi zau a, Child Helpline chungchang zirtirna hi Pu F. Lalfakzuala, Case Worker, (CHL) in a pe thung a ni.

National Girl Child Day 2025 pual hian intihsiakna chi hrang hrang, Marathon race, Public Speaking Competition, Reels/Short Video Making buatsaih a ni a, heng intihsiaknaa lawmman dawngtute chu:-

Marathon Race: 

1.    Lalrinhlui d/o Lalsanglura, Saitual Venglai 

2.    Lalhruaikimi d/o Hriathluia, Saitual Venglai 

3.    Lalnunkimi d/o Lalruatfela, Saitual Hmarveng 

Reel/ Short video making competition:-

1.    Selchhunga Primary School Saitual 

2.    Sihfa Primary School-II  

3.    Gov’t Ngopa Middle School-I 

Public Speaking Competition for YMA Phullen RD Block

1.    Thanglai Section, Thanglailung

Lawmman hi Pi F. Zodingpuiii DIPRO leh Pi Chhuanhlupuii, SDEO chuan an sem a ni.

Vawiin programme hi Pu Isak Lalrinzuala, Supervisor, Child Helpline (WCD) chuan kaihruaiin, Pi Mary Malsawmkimi, District Mission Co-ordinator (DHEW) chuan inlawmna thu a sawi a. Khuallian, District Bawrhsap Dr. Lalngura Tlau chuan thu sawiin, Pi Lalramhluni Gender Specialist, (DHEW) leh Pu F. Lalfakzuala Case Worker, (CHL) ten powerpoint presentation hmangin zirtirna an pe a ni. Pu Samuel Lalremruata, Accounts Assistant, (DHEW) chuan lawmthu sawiin hun a khar a ni.