1993/2026-2027

Saitual, the 29th August, 2026: Vawiin khan Saitual DC Office leh Saitual District Badminton Association buatsaihin National Sports Day 2026 hman a ni.

He National Sports Day pual hian One Day Badminton Tournament Category 3, Mens Doubles (Open),  Womens Doubles (Open) leh  Mens Doubles (Mixed) in elna buatsaih niin zing dar 10 atanga khan inelna hi khelh tan a ni a, hun bul tannaah thutiam sawirualna hun hman a ni a, he inelna hi zan lama zawh tura ruahman a ni.

National Sports Day hi Hockey khel thiam, India infiammi ropui Major Dhyand Chand-a piancham August ni 29-ah kum 2012 atang khan kum tin hman thin a ni a,  Infiamna chu kan nitin nunah taksa vawngthatu leh rilru hrisel min siamsaktu, mihring inpumkhatna siamthatu a nih avangin India khua leh tui zawng zawng ten taksa sawizawi uar lehzual tura inzirtirna atan hman a nih bakah infiamite hmasawn zel tura infuihthar nan hman thin a ni.