1912/2025-2026

Saitual, the 29th August, 2025: Vawiin khan DC Conference Room, Saitualah District Election Officer, District Bawrhsap ni bawk Dr. Lalngura Tlau kaihhruainain Polling Station then chungchangah District Level Standing Committee on Rationalization of Polling Station 2025 chu an thu khawm.

He thutkhawmah hian Dr. Lalngura Tlau, DEO chuan thu a sawi a, Election Commission of India-in a rua hman angin in tina luh chhuaha hming ziah luhna ‘Special Intensive Revision’ chu kalpui tan tum a ni, a ti a, Saitual District-a polling station te chu hemi atan hian en nawn a tul tih a sawi. DEO chuan vote thlak thei mipui an pun zel avang te, vote thlak a awlsam zawk nan leh mawhphurhna latute tana a zangkhai zawk nan te voters tam zualna hmunah polling station thar pahnih siam rawtna chu ngaihtuahho a tul a ni, ti.

Tun dinhmunah hian 21/8- Teikhang-ah hian voters 1215 an awm mek a, Govt Middle School, Teikhang chu polling station awm sa niin, polling station thar atan Govt. High School, Teikhang chu propose a ni. Polling station then hran hnuah voters te hi 635 leh 580 a sem a ni a, BLO thar atan Pi Chingbiakmawi, Teacher, Govt. Middle School, Teikhang chu propose a ni.

21/12- Kawlbem-ah hian voters 1022 an awm mek a, Govt Primary School, Kawlbem chu polling station awm sa niin, polling station thar atan Govt. Middle School, Kawlbem propose a ni. Polling station then hran hnuah voters te hi 511 ve vea a sem a ni a, BLO thar atan Pu S. Zamthianhaua, Teacher, Govt. High School, Kawlbem chu propose a ni bawk.

District Level Standing Committee on Rationalization of Polling Station 2025 chuan polling station propose thar pahnih te hi a pawm a, Election Commission of India pawmpuina dil leh a ngai dawn a ni.

Vawiin thutkhawm hi Dr. Lalngura Tlau, DEO & DC in a kai hruai a, Pu Lalthakima Chhangte, EO & SDO(S) bakah District Level Standing Committee on Rationalization of Polling Station 2025 member te an tel bawk a ni.