1913/2025-2026

August ni 29, 2025: Vawiin khan BDO conference Hall, West Phaileng ah "Sensitization on Schemes of NALSA & Training of Nyaya Sakhis on Laws related to Women" chungchang training neih a ni.

Nyaya Sakhis hi Nari Adalat hi dân (court) thleng kher lova hmeichhiate tâna thubuai remna a ni a. Mizoram ah a hmasa ber ni turin Pu K. Laltlawmlova, Deputy Commissioner, Mamit chuan June Ni-5, 2025 khan Mamit ah a lo hawng tawh a.

Mamit District a RD Block pali (4) te atangin khua/VC sawm (10) thlanchhuahah te din niin, training hmasa ber hi Reiek, Kanghmun & Rawpuichhip Village Council te tân Reiek ah July Ni-27, 2025 khan buatsaih a lo ni tawh.

Tun tumah hian West Phaileng RD Block & Kawrtethawveng RD Block hnuaia khaw pali(4) [New West Phaileng, Lallen, Damparengpui-I & Rajiv Nagar-I] te tán training thawhhnihna hi buatsaih a ni.

Nyaya Sakhis training hi Pi Lalbiaksangi, CDPO, West Phaileng in kaihhruaiin, Pu Moses Ramdinthara, BDO West Phaileng in hawnna hun a hmang.

Nyaya Sakhis (Nari Adalat member) 7 ṭheuh, VCP & CSC te bakah Anganwadi Worker te kohkhawm niin Pu HT Lalmawizuala, Civil Judge-cum-JMFC, MSLSA & Pi Flora Lalṭanpuii, DD(WCD) & DPO, Mamit te chu resource person an ni a, Nari Adalat inkaihhruaina leh hmeichhiate tâna sorkar hmalakna hrang hrang zirtirna an pek bakah Nyaya Sakhis te bungraw mamawh tur sem nghal a ni.