2307/2024-2025 

Saitual, the 30th September, 2024: Vawiin chawhma dar 11:00 am khan District Hub for Empowerment of Women buatsaih nu leh naupangtena thei hrisel zawk an lo ei theih nan Poshan Maah- Fruit festival & awareness on eating balance diet and promotion of local fruit chu DHEW office-ah neih a ni.  

He hun hi Pi Mary Malsawmkimi, District Mission Coordinator chuan a kai hruai a, Poshan Maah thil tum ber chu nu nau pai mekte, nu hnute pe laite leh naupang kum 6 hnuai lamtein an mamawh eitur tha an hmuh theih nana hma lak a ni, a ti. Pi Mary Malsawmkimi chuan Fruit Festival chu phai atanga thei chah chhuah ni lo, kan ram ngeia kan thei tharte tihlarna tur a ni tih a sawi. Kalkhawmte chu an hrisel zawk nan mahni rama mahni huan ngeia thei tharte chu ei uar turin a fuih nghal a ni.  

Dr. Lalthasanga chuan  kalkhawmte tana an chhawp chhuah thei hrang hrangte chu a thatna leh hriselnate a sawifiah a. Thei chhawp chhuahte hi sunhlu, kawlthei, lakhuihthei, dawnfawh thingfanghma, dragon fruit te a ni a, Dr Lalthasanga chuan theite chuan vitamin leh antioxidant a pai tha em em a, vun nalh nante a tangkaiin taksaa natna dona kawnga min pui theitu pawimawh tak a ni tih a sawi. Thei zingah nu nau pai mekte tan thingfanghma leh grape ei a him lo tih sawiin, naupang tan erawh eng thei pawh a ei theih a ni, a ti.  

He Fruit festival-ah hian nu nau pawm laite, nu nau pai mekte leh aganwadi naupangte an tel a, an ei turin thei chi hrang hrang chhawp chhuah a ni.