331/2024-2025 

Dated Saitual the 20th  April 2024: Tukin zing khan Sr Micro Observer Pu Zondinsanga hovin Saitual DC Conference room-ah Post poll scrutiny tluang taka neih zawh a ni.

Saitual District ah harsatna awm lova  tluang takin inthlanna neih zawh a ni tak hnu in  Polling Party ten an duty na hmun atangin Receiving Counter chu tukin zing dar 3 vel khan an thleng kim vek a, Saitual Bawrhsap leh Election officials ten lo dawngsawng in buaipui ngai te an buaipui fel nghal a ni.

Polling Party ten receiving counter an thlen kim tak hnu hian tukin zing dar 8 ah khan Sr Micro Observer hovin Post polll scrutiny neih a ni a. He Post Poll Scrutiny ahhian Saitual Bawrhsap Dr Lalngura Tlau chuan inthlan felfai taka an nei thei chu lawmawm a tih thu sawiin, District piang thar hlim ni si Constituency pathum inhnaih te te a Election vawi hnih felfai taka an zo fel thei chu thawktute inpekna leh thawhrimna zar a ni, a ti a, an hnathawh leh zelna turah duhsakna a hlan nghal bawk.

Post Poll Scrutiny ahhian Saituala Assembly Segment pathum 8- Chalfilh, 9- Tawi leh 21 lengteng a Polling Station te chu random a thlang chhuakin Form 17A (Register of Votes), Presiding Officers Diary-te leh document pawimawh dang te  te leh Election Commission of India-in tehfung hrang hrang a siam hmangin uluk taka enfiah a nih hnuah thil diklo leh fello engmah a awmlo a ni tih official leh Political Party aiawhte chuan pawmtlang in inthlan that (repoll) neih ngaihna polling station a awm dawn lo a ni.

Post Poll Scrutiny neih zawh hian fimkhur taka char tha leh in venhimna tha tawk tak hnuaiah Strong Room-ah dah luh leh an ni a,  Vote chhiar hun June ni 4, 2024 ah lak chhuah leh tura ruahman an ni.

Vawiin a Sr Micro Observer hova Post Poll Scrutiny ahhian Saitual District Election Officer Dr. Lalngura Tlau bakah EO, Nodal officers te leh Political Party aiawhte an tel a ni.