332/2024-2025 

1-Mizoram (ST) Parliamentary Constituency hnawhkhahna atana General Election to Lok Sabha, 2024 niminah neih taka Mizoram chhunga Polling Station 1276-a vote tla zat chu Form 17A leh document pawimawh dangte hmangin chhinchhiah fel a ni tawh a. Vote tla zawng zawng hi 4,87,103 niin Mipa 2,41,213 leh Hmeichhia 2,45,800 in vote an thlak a, vote tla hi za zela chhutin 56.87% a ni. Postal Ballot hmanga vote tla leh EPBS hmanga vote tla te chhiar tel a la ni lo.

Assembly Constituency Vote tlak thatna ber chu 36-Tuichawng (Lawngtlai District) niin vote tla hi 72.48% a ni a. Vote tla a tlemna ber chu 13-Aizawl East-I (Aizawl District) niin vote tla zat hi 48.22% a ni. Postal Ballot leh Electronically Transmitted Postal Ballot System (ETPBS) kaltlanga vote tla chhiar tel a la ni lo a. Postal Ballot kaltlanga vote tla zat hi nimin April ni 19, 2024 thleng khan 2107 a ni a. Hengte hi Home Voting atanga vote tla 1983 (kum 85 chunglam vote 1715 leh PwD vote 268) leh Essential Services vote 124 an ni. Electronically Transmitted Postal Ballot System (ETPBS) kaltlanga thawn chhuah Service Voters 4693 te vote thlak zat hi hriat theih a la ni lo bawk a ni.

Kum 1977 atang khan Lok Sabha MP Inthlanpui hi vawi 12 neih a ni tawh a, vote a tlak that ber tum chu kum 1996 kha niin vote tla zat hi 73.41% a ni a, a chhiat ber tum chu kum 1977 niin vote tla zat hi 49.92 % a ni. Hei bakah hian Kum 2024 a vote tla zat aia a tlem hi tum hnih dang la awmin kum 1980 (56.12%) leh kum 2009 (51.86%) a ni. A hnuaia table ah hian Kum 1977 atanga Lok Sabha MP thlanna a vote tla zat leh percentage tarlan a ni :-

Hriattheih chinah nimina Polling Station-a vote thlak zinga upa ber chu Pu Thanglianhluma, Lawngtlai College Veng niin, kum 104 mi (25/3/1920) a piang a ni a, upa ber dawttu chu Pi Hrangkili, Ramhlun North, Aizawl, kum 103 mi (10/07/1920) a piang a ni.

end_of_poll-_state-mizoram__consituency-mizoram_20-04-2024_1713611884.pdf