333/2024-2025 

Dated Siaha 22nd April 2024: Vawiin chawhma dar 11 khan Lopu -II Village Council Constituency By-Election atan a hman tur Draft Electoral Rolls tahrik ni 1, April 2024 tehfung a hmang a buatsaih chu DC Mini Conference Room-ah tlangzarh a ni a, Pu V.L. Hruaizela Khiangte, Distrtict Election Officer leh bawrhsap nibawk chuan he Draft Electoral Roll hi a tlangzarh.

Pu V.L. Hruaizela Khiangte chuan Member of Parliament (LS) inthlanpui 2024 atan vote thlak zawhfel chiah a ni a, tunah by- election tura inbuatsaih a lo hun leh a, election officials leh political party lamte an hah tak zet tiin , theihtawp chhuah a tanho a tul takzet a ti. Democracy ramah chuan mipuiten an aiawh an thlan thin chu thil pawimawh tak a ni tih sawiin, inthlanna felfai leh thianghlim zawk a awm theih nan political party, NGO leh mipuite thawhpuiah a sawm a ni. Draft Electoral Rolls tlangzarh theih a ni chu lawmawm a tih thu sawiin, hun leh tha tam tak seng a roll buatsaihtute fakawm a tih thu a tarlangin hmalam hunah pawh theihtawp chhuah turin a chah nghal bawk.

Pu V.L. Hruaizela Khiangte chuan 'Claims and Objection' chu electoral roll a thun leh paih hun a nih angin party lamte ngai pawimawh turin a chah a. VC election bikah vote nei thei chu 'tribal' khua leh tui dik tak an nih a ngai tiin, thun leh paih kawngah fimkhur a tul hle a, dik lo taka thun emaw paih a awm loh nan, party lam leh NGO ten thahnem ngaihpui turin a ngen a. Village Council Member- te chu khawtlang hmasawnna tura a bul thut a hnathawk tur an nih angin, mitha leh rintlak thlang turin mipuite duhsakna a hlan a. MP election-ah Siaha district- ah vote a tla tha lo hle tih tarlangin, thahnem ngai taka vote thlak turin mipuite a sawm a, political party leh NGO te pawhin vote thlak ngei tura mipuite lo chawkphur turin a chah bawk.

Electoral Rolls- a hming thun thar/belh emaw hming paih emaw, a chhunga hming emaw kum emaw leh a dang dik lo tih dik duhte tan tahrik ni 3/4/2024 thleng dilna thehluh theih a ni a, ni 14, May,2024 hian Final Electoral Rolls hi tlangzarh tura ruahman a ni.

Vawiina tlangzarh tak Draft Electoral Rolls atanga a lan danin Lopu-II VC Constituency-ah hian vote nei mipa-71 leh hmeichhia-64 awmin, vote nei zawng zawng hi mi- 135 an awm mek a. By- election- ah hian seat 4, General - 3 leh Reserved-1 hnawhkhah a ni ang.

Vawiin Draft E/Roll tlangzarh tak hi Political party aiawh lo kalkhawmte hnenah Copy khat theuh Pu V.L. Hruaizela Khiangte, District Election Officer chuan a hlan nghal.