3988/2024-2025

Saitual, the 26th of January, 2025 : Tukin dar 7:00 am khan India Republic Day vawi 76-na chu Keifang Centenary Sports Complex, Saitualah ropui taka lawm a ni a. He hunah hian District Bawrhsap Dr. Lalngura Tlau chu khuallian niin parade contingents 11 te hnam puanzar chibai buk a chhang let.  

He Republic Day lawmnaa hnam puanzar pawtparhtu Dr. Lalngura Tlau chuan India Republic Day vawi 76-na lawm tura kalkhawmte chu chibai a buk a, January ni 26, 1950 atanga India Danpui (Constitution) chu a taka hman tan a lo ni ta tih sawiin, he ni hi India khua leh tui te zawng zawng te tan ni ropui leh chhinchhiah tlak tak a ni, a ti. Khuallian chuan Danpui kan hman aṭangin India ram chu mipui thlante rorelna (democracy) ram lian ber a lo ni thei ta tih a sawi a, he Danpui hian India ram khua leh tui zawng zawng te tan dikna, zalenna, intluktlanna leh inunauna min pek bakah ei leh bar intodelhna leh mipa leh hmeichhe intluktlanna thlengin kawng min hawnsak a ni, a ti. Dr. Lalngura Tlau chuan kan ram tana sulsutu hmasate, zalenna min thlen a, Danpui tha tak min siam sak tute hre reng a, zahna chibai buk theuh turin kalkhawmte chu a sawm a ni. 

He ni pawimawh takah hian India ramin kawng hrang hranga hmasawnna hmel a hmuh rualin Saitual District chhungah pawh hmasawnna hmel duhawm tak tak hmuh chhoh mek zel a ni a. Saitual District-ah hian Sawrkar Department 28 awm tawhin, department hrang hrang te hmasawnna hna kal mek leh thlen chin hrang hrangte chu a hmunah hian chhiar tura sem a ni a, DC office website-ah chhiar tur a awm bawk a ni. 

Republic Day lawmnaah hian Parade Contingents 11 awmin, School Contingents 8, NCC 2 leh Saitual High School Pipe Band te an ni a, Parade commander hi Pu. Lalrinngheta, ASI niin, 2nd Commander hi Pu H. Lalpekhlua, ASI a ni. Contingent ti tha zualte hnenah lawmman semna neih nghal niin, lawmman dawngtute chu: 

Pakhatna : Saitual High School-II

Pahnihna : Govt. Higher Secondary School, Saitual 

Pathumna: Govt. Middle School Ruallung  

Keifang Centenary Sports Complex-a Republic Day lawmnaah hian Saitual Bawrhsap Dr. Lalngura Tlau, Pu Gaurav Tyagi, SP, Pu Lallawmawma, Addl. DC leh department hrang hrang hotute, khawtlang leh tlawmngai pawl hruaitute, school naupangte leh zirtirtute an tel a ni.