67/2025-2026

Saitual, the 5th April, 2025: Vawiin chawhma dar 10:00 khan Excise & Narcotics Department leh Sub. Hqrs YMA, Saitual District tangkawp buatsaih ruihhlo do awareness campaign hawnna chu conference hall, DC office building hlui, PWD Vengah neih a ni.

He hunah hian Pu R. Lalruatliana, O/C Excise & Narcotics Station, Saitual District chuan thu a sawi a, Saitual District chhunga ruihhlo kaihnawihina a hrin chhuah rukruk te a hluar hle tih sawiin, ruihhlo do kawnga hmalak a tul hle a ni, a ti. Excise O/C chuan ruihhlo do kawnga khawtlang hruaituten thahnemngai taka hma an laknate chu fakawm a tih thu a sawi a, thawhhona tha tak an neih zel a beisei thu a sawi bawk. Pu R. Lalruatliana chuan tun hi a bul tanna a ni tih sawiin, tha thlah loa theih tawp chhuah zel an tum thu a sawi a, ruihhlo ngaite pawh uluk taka zirtirna te ngaithla a, hlawkna chhar ngei turin a sawm a ni.

Pu C. Lalremruata, Chairman SRS, pawhin thu sawiin ruihhlo ngaite chu pui turin an inhawng reng tih a sawi a, harsatna an tawhte chu inthlahrung loa hriattir zel turin a chah a ni. SRS Chairman chuan inpawh tlang taka hun hmanho a duh thu sawiin, ruihhlo bawih ata tal chhuak thei turin puih an inhuam reng a ni, a ti.

Pi Lalbiaktluangi, President, MHIP Sub. Hqrs pawhin thu sawiin, ruihhlo vanga thalai tam tak te an buai thin chu pawi a tih thu a sawi a. YMA ten ruihhlo tirem turin theih tawp an lo chhuah tawh thin tih sawiin, Excise & Narcotics department te nena tangkawpa hma an la chho tur chu bung thar pawimawh tak a ni, a ti.

Vawiin drug awareness campaign-ah hian Saitual District chhunga ruihhlo ngaite koh khawm an ni a, ruihhloina taksa a tihchhiat dan te, khawtlang nun a nghawng dan te leh ruihhlo kaihhnawih dan leh dul pawimawh tak tak te zirtirna hun hman niin, ruihhlo ti lo tura intiamna ‘signature campaign’ neih a ni bawk.

Vawiin inkhawm hi Pu K. Lalthangvunga, Chairman Kumpuan Sub. Hqrs in a kai hruai a, Rev. Lalsanglura Sailo, BCM chuan hunserh a hmang a. Pu C. Lalremruata, O/C Excise & Narcotics Station, Saitual, Pu R. Lalruatliana, Chairman SRS leh Pi Lalbiaktluangi, President, MHIP Sub. Hqrs ten thu an sawi bawk a ni. He hunah hian Saitual District chhunga ruihhlo ngaite, khawtlang hruaitute leh line department te an tel a ni.