2334/2025-2026

Saitual, the 21st November, 2025: Vawiin khan Saitualah India ram tribal hotu leh zalenna sualtu Sardar Vallabhbhai Patel piancham kum 150-na pualin inpumkhatna kawng zawh (Sardar @150 Unity March) neih a ni a, Govt. Higher Secondary School, Saitual zirlai naupangte chuan Lungdawh kawn atang Saitual Public Playground thleng an zawh a ni.

Lungdawh kawnah hian Pu Tharun Patnaik Madala, SDO (S) chuan kawng zawh hi a vai liam a, a kharna hun hi Saitual Public Playground-ah neih a ni. A kharna inkhawmah hian Pu Laldingliana, DEO chuan thu a sawi a, Sardar Vallabhbhai Patel chanchin te tarlangin, zirlai naupangte chu India ram inpumkhatna chawinungtu nih tum a, inlungrual leh inngeih tlang taka khawsak zir zel turin a fuih a ni.

Unity March kharna inkhawmah hian Saitual Bawrhsap Dr. Lalngura Tlau kaihhruaina hnuaiah kalkhawmte chuan Inpumkhatna Thutiam (Unity Pledge) an sawi rual a, Govt. Middle School-II, Saitual atang hnam lam entir a ni bawk.