592/2025-2026

Saitual, the 27th May, 2025: Vawiin chawhma khan DC Conference Room, Saitualah District Bawrhsap Dr. Lalngura Tlau kaihhruainain Saitual District Evaluation Committee te chuan Sawrkai laipui scheme hrang hrang kalpuina kawnga VC te intihsiakna tur chungchang ngaihtuahho.

He hunah hian District Bawrhsap Dr. Lalngura Tlau chuan thu sawiin, Sawrkar laipui chuan mipuite hamthatna tur scheme tha tak tak a duang thin tih a sawi a, heng scheme te hi a dawng tur dik tak te hnena a thlen theih nan Village Council ti tha ber te chu Sawrkar laipui chuan lawmpuina a hlan dawn a ni, a ti.

Bawrhsap chuan good governance atana Sawrkar laipui hmalakna a nih angin Line department te chu an scheme chan theuha hamthatna diltute chu en zuia, a changtu tur ten an chan ngei theih nana hma la turin a fuih nghal a ni.

Saitual District-a Village Council 46-ah heng scheme pa 9- Har Ghar Jal Yojana, Pradhan Mantri Awas Yojana (Gramin), PM Vishwakarma Yojana, Mission Indranush, Pradhan Mantri Matru Vandana Yojana (AB PM-JAY), Saksham Anganwadi and Poshan 2.0, Kisan Credit Card Scheme (Farmers, Animal Husbandry, Fisheries) leh PM Surya Ghar Muft Bijli Yojana atanga scheme pa 6 tala 90% kalpui tling a nih chuan lawmman dawng tur hian VC hi a tling tihna a ni.

Line department te chuan an scheme chan theuhah te hma lain, VC 90% leh a chung lama scheme kalpui te chu June 27, 2025 hmain DC Office-ah an thehluh ang a, DC chuan VC ti thate zingah pa 2 thlang chhuak lehin Ministry of Panchayati Raj hnenah a thehlut leh ang a, Sawrkar lapuiin VC ti tha chawimawi tura a thlan chhuah te chu an kawppuite nen Independence Day 2025-ah special guest angin an kal thei dawn a ni.

Vawiin thutkhawm hi District Bawrhsap Dr. Lalngura Tlau chuan a kai hruai a, line department hotute an tel bawk a ni.