1406/2026-2027

Saitual, the 15th July 2026: Vawiin khan DC Conference Room, Saitualah District Bawrhsap Pu Srinivas Sadi kaihhruaiin Special Cell on Implementation of Solid Waste Management Rules 2026 chu a vawithumna atan an thu khawm a, bawlhhlawh sawngbawlna kawnga Saitual District-in hma alo lak tawh dan leh SWM Rules 2026 behchhana bawlhhlawh sawngbawl kawnga hmalak zui dan turte rel ho a ni.

Vawiin thutkhawmah hian District tin Village Council (VC) theuhte bawlhhlawh paihna hmun nghet tih chian chungchangte, Solid Waste management chungchangah Saitual, Ngopa leh Phullen Block-a school panga (5) thlan chhuah theuhah awareness neihte bakah VC area tina bawlhhlawh khawn zui dan tur leh bawhhlawh khawnna man chungchangte sawiho a ni bawk.

Vawiin thutkhawm hi Pu Srinivas Sadi chuan a kaihruai a, Pu Tharun Patnaik Madala, SDO(S), Pu V Laldinsanga, PD & DCIO, DRDO, Pu Lalpektluanga, Sr EE, PHED, Pi C.Lalhmingsangi, DUDO, UD & PA, Pu Laldingliana, DEO te an tel bakah Mizoram Pollution Control Board aiawh, BDO, Ngopa leh BDO, Phullen te chu biakhlatna hmangin an tel bawk.