1405/2026-2027

Siaha the 15th July 2026 : Kumin Independence Day lawm dan tur relin vawiin khan DC Mini Conference Hall, Siaha-ah District Bawrhsap Pu VL Hruaizela Khiangte kaihhruaina hnuaiah thutkhawm a ni.

Vawiin thutkhawmah hian India in Zalenna a hmuh champha chu ropui taka lawm a nih theih nan tul leh pawimawhte sawiho a ni a, department hrang hrangte mawhphurhna tur sawiho a ni.

Indian Independence day lawmna chu SDFA playground, Meisatla-ah hman tura rel a ni a, chawhma dar 10 ah tan tura rel a ni. VIPs at home chu Chief Executive Member (CEM) Bungalow a hman tur niin Dar 12 ah tan tura tih a ni thung. SDFA hnen atanga I-Day puala football tournament buatsaih tura dilna lo lut chu sawiho a nih hnuah pawm a ni a, Independence Day lawmna atana Department hrang hrang in an sum thawh khawm zat tur te sawiho a ni. August Ni 6, 2026 ah hmalaknate sawiho tura thutkhawm leh tura tih niin mawhphurhna changtute chu theihtawp chhuah theuh tura ngen niin hun tihtawp a ni.