3655/2023-2024

Dated Saitual the 5th February 2024 : Vawiin khan Electoral Roll Special Summary Revision 2024 neih mek chungchangah Electoral Roll Observer Pi Lalzarmawii, Commissioner & Secretary,AH&Vety chuan Saitual tlawhin Election official te leh Party aiawhte kawmna hun a nei a, SSR 2024 chungchang sawiho a ni.

He hunah huan Saitual District Electoral Roll Observer, Pi Lalzarmawii chuan Election leh a behbawm thil zawng zawng chu felfai tak leh uluk taka tih a pawimawh zia thu a sawi a. Saitual District chuan MLA Election District a nihna angin a vawikhat hmachhawnna nimahse, felfai leh tluang taka an kalpui thei chu a lawmawm takzet a ni, a ti. Pi Lalzarmawii chuan India mi diktak roll a an luh kim chu a pawimawh hle a ni, a ti a. Roll ah chuan chuang tur diktak an chuan a, thil tamtak avangin a chuanglo tur an chuan palh kha a awm thei a, hei vang hian theihtawp a tan la turin a chah a. SSR kalpui meka final electoral roll chu MP Inthlanpuia hman tur a nih avangin a pawimawh hle thu sawiin , mipuite hnenah awareness a tam thei ang bera neih a, Draft E-Roll te pawh soft leh hard copy te a pek chhuah chu a pawimawh a ni, a ti. Observer in thusawina a neih zawh hian lehkha pawimawh en fel ngaite a en fel nghal bawk a ni.

Pi Laldinfeli, Election Officer, Saitual in draft electoral roll dinhmun leh special summary revision neih meka hma lakna tlangpui a sawifiah a, felfai taka BLO te leh thawktu dangte training neih pui a nih tawh thu a sawi a, February ni 8, 2024-ah hian final electoral roll chu tar chhuah tura ruahman a ni, a ti.

Vawiin a Saitual a Special Summary Revision, 2024 kalpui mekah hian  Saitual District-a assembly bial pathum - Lengteng ,Chalfilh leh Tawiah vote nei mipa 27,592 leh hmeichhia 28,197, an vaiin mi 55,789 an awm a. Draft roll hnuhnung ber 2023 ah khan final voters hi 55,679 niin, mi 110 in final roll 2024 ahhian an punbelh a ni. Hmeichhia leh mipa inthlauhna, sex ratio hi 1022 a ni a, Form 7,8 leh 9 atangin dilna 542 a lut bawk. Draft electoral roll hi January 6, 2024 khan tihchhuah tawh a ni.