1816/2024-2025

Dated Saitual the 29th Aug 2024: Vawiin khan Saitual ah Special Summary Revision of Photo Electoral Rolls,2025 atan Booth Level Officer(BLO)Tranning neih a ni a, He programme hi Pu Lalthakima Chhangte, EO&SDO(Sadar) in kaihruaiin Dr Lalngura Tlau , DC leh DEO ni bawk chuan thu a sawi a, Pi Christina Lalnunfeli, AERO & SDC chuan training a pe a ni.

Vawiina BLO Trainning ah hian Dr Lalngura Tlau , DC leh DEO ni bawk chuan thu sawiin kum 2023 MLA General Election leh Kum 2024 MP General Election ah te theihtawp an chhuah avang leh an thawhrimna avanga liau liauva inthlanna felfai leh hlawhtling tak a awm thu a sawi a. BLO te chu hun thawl hmang tangkai a electoral roll-a hming leh thlalak inmillo te, thlalak fiahlo leh siamthat ngai apiang lo inhmakhua turin a chah a, Roll a inthun chungchangah ram rorelna bul thut khawih a nih avangin India ram khua leh tui mi ngei(ordinary resident) leh kum 18 tling ngei thun tura fimkhur chhuah lehzual turin a chah bawk.

Training hi BLO te ko kim zawk leh training-na hmun pan a awlsam zawk nan hmun thumah ruahman a ni. Vawiin khan 9 –Tawi, 8-Chalfilh leh 21-Lengteng Assembly Constituency hnuaia BLO-50 te tan DC Conference Hall-ah training neih a ni a, 30th August, 2024 (Zirtawpni) hian Pi Dorothy Muansangi, ERO & AERO – Lengteng A/C leh SDO(C) Ngopa ni bawk chuan SDO(C) Office, Ngopa-ah 21-Lengteng hnuaia BLO 14 te training a pe ang a, hemi ni vek hian Pu J Lalhmahruaia, AERO, 8-Chalfilh & BDO, Phullen chuan BDO Office, Phullen-ah 8-Chalfilh hnuaia BLO 16 te training a pe dawn bawk a ni.

Vawiin training ah hian Pu Lallawmawma, ERO&Addl DC, Pi PC Zonuntluangi, ERO&PD, saitual te an tel bawk. Training ah hian heng topic house to house verification neih, rationalization/re-arrangement of polling station leh roll a thlalak fiahlo leh chianglo enfel dan chungchang te a tel a ni.