1815/2024-2025

Dated: Mamit the 29th of August, 2024 : Vawiin khan DC Conference Hall, Mamit-ah Pu Jacob Lalawmpuia, District Bawrhsap/TSG chairman ni bawk kaihhruainain thutkhawm thawh sarihna neih a ni.

Meeting kaihruaitu Pu Jacob Lalawmpuia chuan Project reng reng a hlawhtlinna tur chuan thawktute tihtakzeta inpekna hi a pawimawh hle a, Department dangte nena thawhduna project hlawhtlinna nei tur chuan ngaihtuahna hmante a ngaih bakah Line Department- te pawh theihtawp chhuah turin a chah bawk.

Pu R. Lalruatmawia, District Support Officer, GLIU, Green-Ag chuan Project sawizauna leh project inchherchhuan dante a sawi zawhin Project Status & Activity Report-2024 thlirhona neih chhunzawm a ni a.

Pi Lalchhuanawmi Pachuau, Team Leader & NRM Expert, GLIU, Green-Ag chuan kum 2024-2025 atana project hmachhawp (Annual Work Plan & Budget) leh hmalak hmanhmawh tul bikte chu committee hmaah pharhin, chairman kaihhruainain sawizauna hun hman a ni.

Kumin atana Green-Ag Project in Mamit District chhunga hmachhawp a neih langsar zualte chu: Aieng leh Vaimin chingte, turmeric processing unit dinte, feed mill thawmthatte, water harvesting structure siamte, sangha dil siamte, tualchhung sangha tihpun leh-te, Mamit District chhunga project khawtina School naupangte Eco-club kaltlanga environmental awareness pekte, environment kaihhnawih ni pawimawh bikah painting and drawing competition huaihawtte, soil testing kit hmanga lei tha leh thalo tehpuite te hi a langsar zualte chu an ni.

Green-Ag Project hian Lunglei leh Mamit-a hectare 8972.1 vela zauah leh khaw 38-ah hma ala mek a, Mamit District bikah hian W. Phaileng RD Block hnuaia khaw 20, Zawlnuam RD Block hnuaia khaw 2, Reiek RD Block hnuaiah khaw 2 avaiin khaw 25-ah kalpui a ni.

Vawiin thutkhawmah hian project Annual Work Plan & Budget (2024-25) atan Rs. 9.8 crores leh Mamit district bik tana duan Green Landscape Management Plan (GLMP) chu meeting-ah hian pawm a ni nghal bawk.

Meeting-ah hian Ngurrinsanga Sailo, DAO leh TSG Member Secretary ni bawk bakah Agriculture line Department atang mithiam thahnem tak an kalkhawm a ni.