3119/2024-2025 

Saitual, the 21st November, 2024:  Nimin khan Govt. High School, Saitualah DC office leh School Education Department tangkawp buatsaih zalenna sual chhuaktu zinga tribal hotu Birsa Munda hriat rengna hun "Janjatiya Gaurav Diwas" hman a ni. 

He hunah hian District Education Officer Pu Micky R. Lalenkawla chuan thu sawiin, hnam hnuaihnung zawk (tribal) te tana hruaitu pawimawh Birsa Munda chanchin te sawiin, a nun atang zir tur tam tak a awm a ni, a ti. DEO chuan zirlai naupangte hnenah Janjatiya Gaurav Diwas hman a nih chhante a sawifiah a, tribal te sawrkarin a ngaihthah lo a, an tan theih tawp a chhuah zel a ni tih a sawi bawk.   

He hunah hian drawing competition, drama/skit competition neih nghal a ni a, Janjatiya Gaurav Diwas puala intihsiakna hi block level-ah Phullen block leh Ngopa block-ah te la neih tur a ni. He hun hawnna hi Pu Micky R. Lalenkawla, DEO leh Pi Christina Lalnunfeli, SDC te chuan an hmanpui a, a tawp kharna hi ni 26th November, 2024-ah hman a ni ang a, hetah hian intihsiakna hrang hranga lawmman sem nghal a ni ang.