3118/2024-2025

Khawzawl, the 20th November, 2024 : Vawiin khan District Child Protection Office Khawzawl hmalaknain Children’s Day lawmna kal zelah Deputy Commissioner Khawzawl Chamber-ah Khawzawl District chhunga naupang huaisen leh sport lam a talent nei tha naupang pathumte hnenah chawimawina citation leh sum fai hlanna neih a ni a. He hunah hi Khawzawl DC Pu K. Vanlalthianan a kaihruai a ni.

Pi Lalsiammawii,District Child Protection Officer-in kalkhawmte hnenah heng naupangte hi chawimawina hlan an nih chhan sawifiahin, hemi hnu hian lawman semna hun hman  nghal a ni.

Vawiina chawimawina dawngtute chu

1)    Malsawmzuala(12) s/o Llachhantluanga (L) Hermon Veng,Khawzawl

2)     Awi Ngaih Dim(17) d/o Vung Khaw Pau, Ngaizawl

3)    K. Lalrinkima (17) s/o K. Laldawngliana, Electric Veng

He Programme-ah hian DC Office a Officer hrang hrangte bakah CWC Khawzawl leh DCPU staff-te leh naupang kim takin an tel a ni.