4108/2024-2025

Saitual, the 6th February, 2025: Vawiin chawhma dar 10:00 khan Saitual District chhunga 21st  General Election to Village Council, 2025-a duty tura ruat ten vote an thlak tan a, District Election Officer, Saitual Bawrhsap ni bawk, Dr. Lalngura Tlau chuan vote a thlak hmasa ber a ni.

He hunah hian Category-I (District chhunga vote nei) leh Category-II (District pawna vote nei) ten vote an thlak tan a, vote thlakna hmun tura ruahman ‘facilitation centre’ hi DC Office, Saitualah siam niin, Category-I te tan Ngopa leh Phullen-ah siam a ni bawk. Category-II te chuan vawiin February ni 6, 2025-ah hian an vote an thlak thei a, Category-I te tan February ni 6 atanga ni 8, 2025 thleng vote thlak theih a ni ang.