4107/2024-2025

Khawzawl, dated 6th February 2025: Khawzawl DC Pu K. Vanlalthiana'n kangmei chungchanga invenhimna chungchangah a hnuaia tarlan ang hian thuchhuah a siam:

ORDER

District Level Committee on Fire Prevention (DLCFP) meeting ni 05.02.2025-in a rel angin kangmei lakah mihring, in leh bungrua, ramngaw leh nungchate kan him tlan nan khapna thupek chhuah hi tulin ka hria a.

Chuvangin, kei, K. VANLALTHIANA, DISTRICT MAGISTRATE, KHAWZAWL DISTRICT, KHAWZAWL chuan, Section 163 of Bharatiya Nagarik Suraksha Sanhita (BNSS), 2023-in thuneihna min pek hmangin a hnuaia mi ang hian khapna thupek ka chhuah e:

1. Mi tumahin meilam tha tawk sial hmasa lo chuan lo/huan leh leipui an hal tur a ni lo.

2. Mi tumahin ramhnuaia an meichhem timit lovin an kalsan tur a ni lo.

3. Khawzawl District chhungah silai nei ten kangmei chhuah awlsam hunlaiin ram lama silai ken chhuah loh tur a ni

4. Khawzawl District chhunga lo, huan, leipui hal turte chuan ni 15, March 2025 aia tlai lovah hal vek tur a ni.

He thupek hian Khawzawl District pum a huam ang a, sut leh a nih loh chuan tihchhuah a nih atanga thla hnih chhung a huam ang.

He thupek bawhchhiate chu Section 223 of Bharatiya Nyaya Sanhita (BNS), 2023 hmangin hrem theih an ni ang.

Vawiin ni 5 February, 2025 hian District Magistrate Seal-a nemnghetin hming ka ziah hnan e.