3938/2023-2024

Dated Saitual the 23rd February 2023: Vawiin Chawhma khan Saitual DC, Dr Lalngura Tlau hovin Mizoram Consumer Union, Saitual District Hruaitute, DC Office Chamber ah an thukhawm a, World Consumer Rights Day leh Consumer Awarness Campaign hman dan tur chungchang te leh tul dangte an sawiho.

Vawiin a thutkhawmna ahhian Chairman, Dr Lalngura Tlau chuan consumer te chu mipuite annih avangin an chanvo te an vawnhim theihna tur uluk zawk a ngaihtuah chu a pawimawh hle a ni,a ti a. Hemi kawngah hian Saitual DCSO leh Consumer Union te chu mawhphurhna lian tak nei annih angin chak zawka hma la turin a fuih a, inrelbawlna dan pawh felfai taka kenkawh zui a tul thu a sawi bawk . Consumer Society chu District chhungah a remchan theih ang anga lo in din a, hma lo la a, huang zauh turin Consumer Union hruaitute a chah bawk.

Thu pawimawh tak tak sawiho niin World Consumer Rights Day, March 15 a hman tur chungchang te, Consumer Awareness Campaign hman dan tur chungchangte sawiho a ni a, DCSO leh Consumer Union te a tul anga lo bawhzui tura tih anni.Consumer Awareness Campaign neih chungchangah ahhian Chairman chuan a tam thei ang a neih a tul thu a sawi a, MCU, Saitual leh DCSO tangkawpa awareness neih dan turte ruahmanna lo siam a, DC ah hmalak dan tur te thlen leh ni se tih a ni. Heng te bakah hian District Consumer Protection Council chu Saitual District a tha taka a function ve theih nan hmalak ho ni se ti a rel a ni bawk.

Meeting ah hian Saitual DC bakah SDO(Sadar) Saitual, Mizoram Consumer Union,Saitual District President,Secretary leh Treasurer te leh DCSO Saitual te an tel a ni.