4259/2025-2026

Saitual, the 2nd February, 2026: Vawiin khan DC Conference Hall, Saitualah World Wetlands Day, 2026 hman a ni a, Pu Lalnunsanga Khawlhring, IFS, CF (EC & NC) chu khuallian niin hun a hmanpui.

Khuallian chuan kalkhawmte hnenah lawmthu sawiin wetland pawimawhzia a sawi a, ramsa awmna hmun a nih angin wetland-te kan humhalh that chuan ramsa leh nungchangte mai bakah mihringte tan hlei hlei leh boruak tha kan lo neih phah dawn a ni, a ti. DFP chuan kumin thupui pawh, "Wetlands and Traditional Knowledge: Celebrating Cultural Heritage" chu thlan a nih thu sawiin tui hna humhalh, enkawl leh venhim kawnga tan lak a tul ziate, hnam tihdan phung leh khawtlang nunphung, science thiamna nen inpawlha hma lak zui a tul zia a tarlang bawk.

Vawiin Programme hi Pu Dr. Lalsiamhnuna, Honorary Wildlife Warden chuan kaihhruaiin chuan Tamdil Management Committee (TMC) aiawh chuan TMC hmalakna report tlangpui a pe a, Pu Andrew Lalthlamuana, MFS, Assistant Conservative Of Forest, Aizawl chuan Tamdil wetlands chungchang presentation pein Tamdil leh a chhevel khua atangin Tamdil an chhawr dan te ngaihthlak a ni bawk. Khuallian Pu Pu Lalnunsanga Khawlhring, IFS, CF(EC & NC) chuan kalkhawmte hnenah thu sawiin World Wetlands Day, 2026 puala Essay, Slogan, Painting, Reels insiamsak lawmman chu a sem nghal bawk. Pu HP. Lalbiaktluanga, RO, Saitual chuan kalkhawmte hnenah lawmthu sawina a nei a, hun hi khar a ni.

World Wetlands Day, 2026 Day puala Intihsiakna lawman latute:

Essay :
1st prize : Lalnunmawii, Saitual High School II

Painting :
1st prize : Lalnunmawii, Saitual High School II
2nd prize : Lalawmpuii, Keifang PS II
3rd prize : Lalnunthari, Keifang PS II

Slogan :
1st prize : Lalnunmawii, Saitual High School II
2nd prize : Remsangpuia,PS,Ruallung
3rd prize : Vanlala, PS Ruallung

Reels making Competition:
1st prize : Michael Lalrinawma, Dinthar Veng,Saitual
2nd prize : C Vanlalhriatpuia, Venglai,Saitual
3rd prize : Michael Lalrinawma, Dinthar Veng,Saitual