4260/2025-2026

Lawngtlai, the 3rd Febuary, 2026 : Vawiin chawhma dar 11:00 AM khan Secondary Collection Centres-a Supervisors leh Assistant Supervisors - te tan District Level Training, DC Conference Hall, Lawngtlaiah neih niin Bawrhsap Pu Donny Lalruatsanga leh Chairman, DAMC ni bawk in a hmanpui.

Pu Donny Lalruatsanga chuan kalkhawmte hnenah lawmthu a sawi a. Sawrkar flagship programme- a nih angin Sawrrkar tan felfai leh tha takin thawh a ngai dawn a ni, a ti. Sawrkarin kut hnathawktute lei rem rah ve theihna tur a tana sum tak tak senga a kalpui a ni a, man man zawk a kut hnathawktuten an thar chhuahte an hralh theihna pawimawh tak a ni a ti. A bik takin Sawhthing lei hun Febuary atanga May chhung hian Sawrkar leh DAMC- in beiseina sang tak a neih angin ngaihpawimawh a tul hle a ti. Bawrhsap chuan Kut hnathawktuten an thawh rah hlawk taka an tel ve theihna tura kut hnathawktute leh a leitute inkara thawhhona tha tak a awm a beisei thu a tarlang bawk.

Dr.Saithantluangi Zote, BDO leh Supervisor, Lawngtlai RD Block ni bawk chuan 'SOP for Secondary Collection Centres & Primary Collection Centre' chungchang hrilhhriatna neiin Pu Caleb Vanlalringngama, Asst.DAO, Lawngtlai in 'Book Keeping, Accounting & Portal Entry' chungchangah zirtirna leh hrilhhriatna a nei bawk. He hunah hian zawhna leh chhanna hlawk tak neih a ni bawk a ni.

Vawiin hun hmannaah hian Secondary Collection Centres- a Supervisors leh Assistant Supervisors -te an telkim tha hle a, Pu Donny Lalruatsanga chuan lawmthu sawina neiin hun a khar.