Mizoram hmun dangte rualin Sakawrdai-ah pawh Independence Day vawi 71 na chu Sakawrdai Playground-ah ropui taka lawm a ni a, he hun hi Parliamentary Secretary, UD&PA, Sports, etc. Pu Hmingdailova Khiangte, IPS(Rtd) chuan Khuallian niin a hmanpui.

Khuallian Pu Hmingdailova Khiangte chuan hnam puanzarh pawtparhin, Parade Contigent-te chibai buk a chhang let a. Independence day vawi 71-na ni ropui takah Mizoram leh Sakawrdai mipuite chibai a bukin zalenna ni lawm rualin ram tana inpekna thuk zawk nei turin mipui kalkhawmte a chah a. Ramin chak tak leh tha taka hmas a sawn zel theihn nan theihtawp chhuah theuh tura inhlan turin mipuite a sawm bawk. India ramin zalenna a neih theihna tura ramdang awp behna lak tanga talchhuah tumnaa a bultumtu India Hnam Pa Mahatma Gandhi te, Pandit Jawahrlal Nehru te, Sardar Vallabhai Patel, Subhash Chandra Bose te ang inpekna chu a thlawn mai loh nan India ram chu tuna a dinhmun thlen chin atanga a invawrh san lehzual theih nan ram mipuite n inunauna leh tanrualna rilru pua thawhho an thiam a pawimawh a ni, a ti. Sorkarin a hnathawhte mipui tan langtlang leh rintlak a nih theih nan kawng hrang hranga hma a lak mek thu sawiin, khawtlang leh ram sum leh pai dinhmun chawikanna turin nasa taka tanlak mek a nih thu a sawi.

Sakawrdai-a Independence Day 2017 lawmnaah hian school zirlaiten special item hrang hrang, lam leh zai te an entir a; Khuallian hian School parade contingents-te lawmman a sem nghal a ni.