No.3011/2021-2022

Aizawl 16th November 2021: Mizoram State Disaster Management Authority, State Executive Commitee Chairman, Pi Renu Sharma, Mizoram Chief Secretary ni bawk chuan a hnuaia mi ang hian thupek a tichhuak

 I.Mizoram Sawrkar-in COVID-19 inkaihhruaina Order No.B.13021/101/2020-DMR/Vol-VI dated 29.10.2021 hmanga a chhuah chu a hnuaia tarlan ang hian clause A 2 (3)(3) chu hetiang hian tihdanglam a ni. 

State Level Expert Team on COVID-19 Management (SLETOCOM) recommendation:

1.WHO Warning level 4 kan ni: World Health Organisation (WHO) in Transmission Thresholds (Hri kaidarh tam lam tehfung) a siam level hrang hrang Level 1 (green colour/low risk), Level 2 (Yellow colour/medium risk), Level 3 (Orange colour/High Risk) leh Level 4 (Red color/Extreme risk) ah pawh Mizoram chu level 4-ah kan awm a, District mal te te-a teh pawhin level 4-ah vek kan la awm a ni. Heng te avang hian puipunnaah zalen lutuk thei kan la ni lo.

2. Mipui punkhawmna chi reng reng (Kohhran inkhawm, sawrkar function, political party punkhawm, NGO punkhawm, mitthi vui, inneih inkhawm, birthday leh anniversary lawm adt.) a hmuna leng zat chanve (50 % seating capacity) aia tam mipui punkhawm a la him rih lo.

3. COVID hrik pai atangin, au leh zai hian tawng satliah aiin ka leh hnar atangin virus a chhuak nasa bik hle. Hmai tuamna hmang chunga tawng leh zai hian nasa takin hri darh tur a veng thei ngei a. Amaherawhchu, hmai tuam chunga uar taka zai hian COVID hrik pai boruak 'aerosol' chhuak erawh a veng hneh vek lo tih hi mithiam ten hmun hrang hranga an zirchiannaah hmuhchhuah a ni.

II. Clause A 2 (4)-Inneih inkhawm leh mitthi vuina, A 2 (11)-Mipui punkhawm-anniversary, birthday, adt. leh B 3 (3.3)- AMC area pawn inkaihhruaina-Sakhaw Biak In-a inkhawm leh inkhawmpui chungchang-ah te pawh hian inkaihhruaina hman mek bakah a chunga tarlan te hi tha taka zawm tur a ni.

III. Mipui punkhawmna-ah SOP tha taka zawm a nih theih nan a huaihawttu-in mawh a phur ang.