No.3010/2021-2022

Aizawl, 16th November, 2021 : Vawiin khan Chief Minister hovin CM Conference Hall-ah Council of Ministers an thukhawm a. Department hrang hrang atanga thu ngaihtuah tur pawimawhte an sawiho.

He cabinet meeting-ah hian Lunglei Municipal Council din tura rawtna lut chu pawm a ni. Mizoram Municipalities (Facilities to Mayor, Deputy Mayor, Chairman Vice Chairman and Councillors) (Amendment) Rules, 2021 (UD&PA atanga lut) chu pawm bawkin, Administrative Reforms Committee Volume-2 report leh rawtna te (DP&AR atanga lut) chu a thuphunga pawm a ni bawk.

PWD atanga lut Mizoram Road Fund (Amendment) Bill, 2021 chu pawm niin, Tourism department in ngaihtuah tura an thehluh draft Mizoram Aero Sports (Amendment) Rules, 2021 leh draft Mizoram Registration of Tourist Trade (Amendment) Rules, 2021 pawh pawm a ni a. Finance Department atanga Mizoram Finance Commission (Salaries and allowances) Rules, 2010 siamthat te, Kolasib Rural WATSAN Sub-Division chu Kawnpui WATSAN Sub-Division a hming thlak leh Kolasib atanga Kawnpuia headquarter thlak te, Kolasib Maintenance Sub-Division chu Kolasib WATSAN Sub-Division tia thlak tura PHED in an putluh chu pawm a ni a. Commerce & Industries department in Mizoram Ease of Doing Business Bill, 2021 a lut chu pawm a ni bawk.

Heng bakah hian DP&AR atangin draft Mizoram Stenographer Service Rules, 2021 te, draft Mizoram Subordinate Stenographer Service Rules, 2021 te, draft Mizoram Engineering Service (Department Examination) Regulations 2021 leh draft Mizoram Ministerial Service Rules, 2021 te pawm a ni.