No.1553/2021-2022

Aizawl 26th July 2021:  Aizawl DC chuan Salem Veng hmun thenkhat Containment Zone/Area-a puan hlih a nih thu a chhuah a. Hemi chungchanga DC thuchhuah chu a hnuai a mi ang a ni e.    

The Disaster Management Act, 2005 Section-34(b)(c) behchhan leh Aizawl DC Office lehkha No. C.16011/298/2020-DC(A)/Lockdown Dt.07/07/2021 hmangin Salem Veng hmun thenkhat chu Containment Zone/Area-ah puan a lo ni tawh a.

Chief Medical Officer, Aizawl West in a zirchianna leh a tul anga hma a lak hnuin, Salem Veng Containment Zone/Area hmun thenkhat chu ni sarih chhung CoVID-19 positive  case thar an awm  tawh loh avangin a sawrzim rawtna  a rawn thlen a. He rawtna ang hian Salem Veng hmun thenkhat Containment Zone/Area-a lo puan tawh chu 25.07.2021 (Pathianni) Tlai dar 4:00 atangin hlih a ni.

Containment Area hlih tur huamchhung :-

Zampuimanga Section - Pu B. Lalsangliana in atanga Pu Rualkhuma in inkar, Slaughter house kawng thlang lam zawng.

Containment Area in a la huam tur te:-

1. Khuangchera  Section  :  Pi  Haichuaii  In   leh   Pu   Ramnghakmawia   In   inkar, Pu Lalremsiama In huam tel lovin. (15 households)

2. Chawngbawla Section : Upa R. Lalbiakkima In bul kawr atanga Pu K. Lalrohlua In inkar. (23 households)

(Total no.of households contained : 38)

Covid-19 laka kan himna tur a sorkar kaihhruaina (SOP) siamte vengchhung mipuiten zawm tha chhunzawm zel tura hriattir an ni e.