Mihring hmanga sumdawnna Human Trafficking beihna hi Chhandamna Sipai Pawl hian khawvel pum huapin nasa takin a bei mek a, ram hrang hrangah Campaign te beiin thapui thawhin hma a la mek a. Mizoramah pawh kum 2005 atang khan he Anti-Human Trafficking do letna hna hi lo tan tawhin tunah hian phuisui zawk leh thazawk a hma lakna thar leh chona thar hmachhawn turin vawiin khan Transport Minister Pu P.C.Zoram Sangliana’n Booth Conference Hall, Aizawl Temple-ah ‘India Eastern Territory Anti-Human Trafficking Project’ a hawng a ni.
He Project thar hi UK Territory Salvation Army te nen tangkawpin peih fel niin Mizoram chhung mai niloin North East State huam chhung, heng thlan bik - Moreh, Imphal, Churachandpur, Shillong, Guwahati, Siliguri, Fatapukur, Darjeeling, Kalimpong leh Namchi-ah te hma lak tan a ni phawt anga, a tul anga huang zauh zel a ni ang.
Sorkar department hrang hrangte leh a bikin Police lam te nena thawhhona tha siam a, misual manchhuahna kawngah leh chhanchhuah ngai te chhanchhuahna kawnga heng Police lam thawktu te a tul ang a tanpui te, NGO leh CBO te nen tang tlanga vantlang zingah te leh zirlai te hnena zirtirna tam thei ang ber pek te, Traffick victims chhanchhuah ten nunphung pangngai an neih leh theihna tur atana tanpuina, Half-way home leh Vocational Training te buatsaih a, thalai hna zawng mek ten ram danga him taka hna an zawn theihna tur te, ramdanga chhungte chin hriatloha awm te chanchin ngaihven zuina kawnga mamawhtu te tanpui te, Dan hmanga thil tisualtu in a phutawk hremna a tawrh ngei na tur a hma lak na te, hunin mamawhna a rawn herchhuahpui anga a tul anga hma lak zuina kawngah te he programme hi mamawhtu te tan buatsaih a ni.
Khawvel hmun hrang hrangah leh India ram chhung ngeiah pawh Sipai Pawl Anti-Human Trafficking beihna atana programme awm tawhsa te nena thawk ho in he hmalakna hi kalpui a ni dawn a ni. Community Health Action Network (CHAN) hmanga hma lo lak tawhna atang ringawt pawhin Case report engemaw zat dawn ni tawh in, chung case te chu bawhzui a hma lak mek zel a ni.
Hetiang lam kaihhnawih, harsatna nei leh hriatchian duh chuan, Community Health Action Network, Kawlkhuma building Tuikual S, Aizawl (Ph. 0389-2326106) ah zawh fiah leh pan theih a ni.
Sorkar department hrang hrangte leh a bikin Police lam te nena thawhhona tha siam a, misual manchhuahna kawngah leh chhanchhuah ngai te chhanchhuahna kawnga heng Police lam thawktu te a tul ang a tanpui te, NGO leh CBO te nen tang tlanga vantlang zingah te leh zirlai te hnena zirtirna tam thei ang ber pek te, Traffick victims chhanchhuah ten nunphung pangngai an neih leh theihna tur atana tanpuina, Half-way home leh Vocational Training te buatsaih a, thalai hna zawng mek ten ram danga him taka hna an zawn theihna tur te, ramdanga chhungte chin hriatloha awm te chanchin ngaihven zuina kawnga mamawhtu te tanpui te, Dan hmanga thil tisualtu in a phutawk hremna a tawrh ngei na tur a hma lak na te, hunin mamawhna a rawn herchhuahpui anga a tul anga hma lak zuina kawngah te he programme hi mamawhtu te tan buatsaih a ni.
Khawvel hmun hrang hrangah leh India ram chhung ngeiah pawh Sipai Pawl Anti-Human Trafficking beihna atana programme awm tawhsa te nena thawk ho in he hmalakna hi kalpui a ni dawn a ni. Community Health Action Network (CHAN) hmanga hma lo lak tawhna atang ringawt pawhin Case report engemaw zat dawn ni tawh in, chung case te chu bawhzui a hma lak mek zel a ni.
Hetiang lam kaihhnawih, harsatna nei leh hriatchian duh chuan, Community Health Action Network, Kawlkhuma building Tuikual S, Aizawl (Ph. 0389-2326106) ah zawh fiah leh pan theih a ni.
