2835/2024-2025

5th November, 2024 : Vawiin khan Mizoram Samagra Shiksha hnuaia PM SHRI School te Ministry of School Education-in ni 25 chhunga tih tur a ruahman atanga intihsiak lawmman chu School Education Complex Conference hall-ah sem a ni a, he hun hi School Education Director leh State Project Director Pu Lalsangliana’n a hmanpui

Pu Lalsangliana SPD chuan he hunah hian thusawiin Education Department chu Mizoram hma lam hun siamtu a ni a, thawktuten thang lian zel tura tan lak a ngai a ni a ti a. Department lian ber a ni a, a lian zel dawn tih sawiin Officer te leh thawktuten an hna theuhah quality ngaih pawimawh a tul thu a sawi. School Education Department-in hmun hrang hranga civil works a thawh te chu vil nguna endik thin a tul thu a sawi a, thawktute chu inthlahdah lova tan mar reng a pawimawh thu a sawi bawk.

PM SHRI School te tan hian October 14-17,2024 chhung khan District Level Competition neih a ni a, State Level Competition chu October 21-23 chhung khan neih leh a ni a, State Level-ah hian PM SHRI School 24 an tel a, a pumpuia school titha ber pakhatna PM SHRI Govt. Rabung PS-I Khawzawl te an ni a, pahnihna PM SHRI Govt. Chanmari Model PS Aizawl, pathumna PM SHRI Lorrain English School Siaha leh PM SHRI Govt. PS I Hnahthial te an ni.

Heng bakah hian activities tina pakhatna theuh thlan chhuah an ni-

Debate – PM SHRI Govt Chanmari Model PS
Quiz – PM SHRI Govt, PS-I Hnahthial
Creative Arts – PM SHRI Lorrain English PS
Sports – PM SHRI Govt Rabung PS-I

Vawiina lawmman semna hunah hian State Project Office District tina Samagra Shiksha DPC te leh thawktute, PM SHRI School lawmman late an kalkhawm a ni.