2834/2024-2025

Dated:Mamit the 5th of November, 2024 : Vote thlak kawnga mipuite kaihhruai leh zirtirna beihpui - Systematic Voters’ Education and Electoral Participation (SVEEP) Mamit District Ambassador atan Youth Icon 2024 Top 5 J.Lalrosanga, Tuidam chu ruat a ni a. Pu Jacob Lalawmpuia, District Bawrhsap hovin SVEEP Ambassador ruatna hun hi nimin khan DC Bangla ah hman a ni.

Bawrhsap chuan Tuidam tlangval J.Lalrosanga, Youth Icon-2024-a mipui lawm hlawh taka a rawn invawrh chho thei chu a lawmpui thu sawiin, a kal leh zelna turah duhsakna hlan a, mipuite duh rawn a nih ang taka a tha zawng a hmahruaitu ni turin a chah. Mamit District huapa sawrkar hmalakna hrang hrangah thawhpuiah sawmin, hmalatu leh hmahruaitu Ambassador atana ruat chhoh zel tum a nih thu a sawi. 

Pi Carolyn L.B Khiangte, Addl DC chuan Mamit Deputy Commissioner Office aiawhin lawmpuina pawisa fai J. Lalrosanga hnenah hian a hlan a ni.