3857/2023-2024

Siaha 16th February 2024: Nimin chawnhma Dar 11:00 khan Mara Autonomous District Council Hall Tipa ah 'Career Mela' 2023-2024 Tipa block- a High School leh Higher zirlai hmeichhe naupangte tan bik a buatsaih chu Samagra Shiksha Siaha District huaihawt a neih a ni.

He hun hi Pu.Zonuntluanga Block Resource Centre Coordinator (BRCC Tipa). Samagra Shiksha chuan kaihhruai in Pu.T.Chatlua. Addl.DPC. Samagra Shiksha chuan sikul naupang kalkhawmte hnenah an hmalam huna an hnathawh tur leh an eizawnna tur chi hrang hranga hma an lak dan turte leh scholarship dil tur awm thei te leh entrance pek tur chi hrang hrang zirtirna leh hrilhhriatna nei a. Zirlai naupangte chu high school- an kal atanga tum mumal tak nei a, an tuina lam te hrechiang a an nih duh leh tuina zawng tak an nih theih dan tur te bakah rinawmna leh taimakna te zirlai naupangte chuan an neih ngei ngei a pawimawhna kawng hrang hrang hmangin zirlai naupang kalkhawm te chu fuihna leh zirtirna a pe a ni.

He Career Mela hi High Schools leh Higher Secondary School- a hmeichhe naupang bik tana buatsaih a ni a. Zawhna leh chhanna hun hman nghal zel niin naupang ten an hriatthiam loh hrang hrangte zawhna siam in hun hlimawm tak an hmang a ni.