3858/2023-2024

Dated Serchhip, the 16^th February, 2024: Vawiin khan Pu David Lalthantluanga, Deputy Commissioner, Serchhip District hovin a pisa-ah State Day 2024 hman dan tur rel a ni.

20.2.2024, State Day hi sual thupha chawina hun “State Day of Prayer” atan hman a ni dawn a. Serchhip khaw chhunga kohhran hruaitute leh tlawmngai pawl hrang hrang hruaitute nena sawiho a nih hnuah ruahmanna hrang hrang siam a ni a. Prayer Committee din niin, Chairman atan Rev. Laltanpuia Colney, BCM leh Working Chairman atan Pu Kawlthuama, President Sub Hqtrs YMA ruat an ni a, Secretary atan Rev. Rolungmuana Zadeng, Counsellor, FG&CC chu ruat a ni bawk.

Sual thupha chawina ni hi Serchhip Auditorium-ah chhun dar 12-ah hman tur niin, hun thumah then a ni a. Hun khatnaah hian Pu David Lalthantluanga, DC Serchhip hawnna thu a swi ang a, tawngtai thupui atan hian “Sual ngaihdam dilna (Ninevi Challenge)” tih a ni anga, thupui sawi hawngtu atan Pastor C. Lalchhuanga, UPC(NEI) a ni ang. Hun hnihna tawngtai thupui atan “Pathian hnena lawmthu sawina” tih a ni anga, a sawi hawngtu atan Pastor Challiandinga Hnamte, Seventh Day Adventist a ni ang. Hun thumna tawngtai thupui atan “Inhlan tharna/Inpumpekna” tih a ni anga, a sawi hawngtu atan Capt. Vanlalthazuala, Salvation Army a ni dawn a ni.

He hunah hian mipui a tam thei ang ber kal turin Committee chuan a sawm a. He hun hmang tur hian kohhran hrang hrangte hnenah sawmna pek ni se tiin Committee chuan a rel a ni.