Vawiin khan State Agricultural Management & Extension Training Institute (SAMETI) leh Extension Trainining Institute (EEI), North East Region, Assam Agricultural University, Jorhat te tangkawpin ni 4 awh tur ‘Supply Chain Management in Agriculture and Allied Sectors’ chu SAMETI Training Hall, Aizawl-ah Pu R.K. Nithanga, Director, SAMETI in a hawng.

SAMETI Director Pu R.K. Nithanga chuan Extension Education Institute (North East Region) in Mizorama training pawimawh tak an rawn nei hi lawmawm a tih thu a sawi a, training a lokalte hnenah supply chain management pawimawh zia ataka zir chhuak turin a chah.

Training hawnna hun hi Dr B. Lalrosiami Khuhly, Faculty (Agriculture Extension Management), SAMETI in a kaihruai a. Dr. S. Borua, Assistant Professor, EEI in Mizoram a training an buatsaih chhante sawiin he training hi Agricultural Technology Management Agency (ATMA), Krishi Vigyan Kendra (KVK), Agriculture and Allied Department hnuaia thawktute tan a buatsaih a ni.

Training chhung hian Extension Education Institute (EEI), Mizoram University (MZU), State Institute of Rural Development (SIRD) leh SAMETI Mizoram atang mithiam tak tak ten zirtirna an pe dawn a ni.

Attachment

  • Loading attachment...