No.251/2021-2022
Aizawl the 24th April, 2021: Aizawl DC chuan COVID19 hripui leng mek lakah mipui te kan lo him tlan zawk nan vawiin khan hetiang hian sample lak dan tur hriattirna a tichhuak.
Positive Contact avanga home quarantine lai leh phai atanga rawn haw home quarantine mek te sample la turin mahni bialtu Chief Medical Officer ah emaw Integrated Disease Surveillance Project (IDSP) lamah LLTF/ VLTF ten report theh luh tur a ni a, report hi Chief Medical Officer Aizawl East leh Chief Medical Officer Aizawl West ten format an siam hmanga thehluh thin tur a ni.
Sample lak hun hi positive contact neih ni emaw Mizoram rawn luh ni atanga ni sarih (7) atanga ni sawm (10) inkar a ni ang
Inkhunghrang tur ten (home quarantine emaw positive contact emaw) mahni veng LLTF/VLTF te hnenah an inhriattir ngei tur a ni. LLTF/VLTF ten format hmanga an thehluh, sample lak tur list a mi chauh lo chu sample laksak an ni tawh lo ang.
LLTF/VLTF te list rawn thehluh hmasak dan indawt zela sample hi lak tur a nih dawn avangin list felfai leh kimchang tak chauh thehluh a nih theih nan home quarantine-a awm te leh positive contact nei ten LLTF/VLTF te hnenah an nihna dik tak chauh an thehlut tur a ni.
