Nimin khan Sangau SDO Pu Vanlaltanpuia Office Chamber ah, Sangau khawtlanga tlawmngai pawl hrang hrangte leh Police te chuan ruihhlo leh a kaihhawih chungchanga hmalak dan turte relin an thukhawm.

Pu Vanlaltanpuia chuan, MDC inthlan boruakin min tuam vel avangin dan phalloh thil chi hrang hrangte an inlar ve thei a, ruihhlo pawh a hluar palh thei a ni. Chutiang thil thalo lo awm palh thei laka kan him zawk nana Meeting a nih thu a sawi a ni.

He Meeting hian YLA branch hrang hrang ten an huam chhunga duty turte, khawlaia zurui buaina siam an man a nih chuan Police kutah hlan se, Police pawhin a tul angin hma lo la se tih te, Sawrkar leh NGO kan tangrual a ni tih lantir nan Magistrate, Police O/C, YLA leh LWA hruaitu zawng zawng ten zu leh ruihtheihthil dang leh zurui vai in khawlai fan nise, tihte an rel a. Mipui vantlang kan him zawk theih nan leh khawchhunga motor tlan dan a mumal zawk theih nan Sub-Divisional Magistrate in thupek chhuah se tih te an rel a ni.

Meeting ah hian khawtlang hruaitute leh Police lamte an kal tha hle a ni.