Vawiin khan Sangau RD Block Level PYKKA Committee chu an Chairman Pu Vanlaltanpuia, Sangau BDO hovin a office-ah an thukhawm.

He meeting-ah hian Block Level PYKKA Committee hmalakna hrang hrang leh hmachhawpte an thlirho a. PYKKA thlaktu tur, Rajiv Gandhi Khel Abhiyan (RGKA) hnuai atanga sum cheng nuai 175 senga Sports Complex sakna tur atana rawtna hmun thum a awm mekte chu khaikhinin, a hmun tha ber tur an an ngaihtuahho a ni. Meeting zawh hian heng hmun pathumte hi a hmunah kalin an enfiah nghal a. PYKKA sum hmanga hna thawh mek, Sangau III-a Badminton Court bakah T.T. board an lei tharte an en nghal bawk.