Vawiin hian Sangau BDO leh SDO civil ni bawk, pu Vanlaltanpuia hovin a office ah Sangau leh a chhehvela VCP te, YLA Branch President zawng zawng te, Sub- Headquarters hruaitute leh Sangau Police Station hotute chu Krismas leh Kumthar vuakveta mipuiten ralmuang tak leh hlim taka hun an hman theih dan tur leh sorkar lam leh tlawmngai pawlten thawhhona thazawk an neih theih dan tur ngaihtuahin an thukhawm.

Meeting chuan YLA branch hrang hrang ten anmahni branch huam chhungah theuh duty post siamin khawlaia buaina leh harsatna dang siam turte veng se, heng mite hi magistrate, police leh tlawmngai pawl hruaituten a khat tawkin tlawh reng bawk se an ti. Halpuah leh silai lem (a mu nei) chungchanga Lawngtlai DC in khapna thupek a chhuahte uluk taka kenkawh ni se an ti bawk.

Sangau khaw thenawm, Pangkhua hi Myanmar ram thenawm mai a nih avangin uluk lehzual ven nise an ti bawk.