2620/2026-2027

Aizawl the 10th October, 2026: Sangha man khapna hun Closed Season (10th Oct -30.Nov.2026)Mizoram Sorkarin a puan den chhanin Kum danga an lo tih thin ang bawkin Lengpui Branch YMA leh Lengpui Model Branch YMA-te chuan Sangha Fuan ven hnatlangpui khuhhawna hun Pi.C. Lallianpuii, District Fisheries Development Officer Aizawl ho in  an hmang. Closed season chhung hian Branch YMA te hian OB te khaihruaina hnuaiah  Group hran hran a inthen in nileng leh zankhuain Dialdawk lui leh Lunghmul lui te an veng thin dawn ani.

Pi C.Lallianpuii DFDO, Aizawl chuan Sangha mantuten eizawnna kum hlun an nei neih theih nan leh Mizoram miputen kan lui sangha ngei ei tur kan neih reng theih nan te,kan lui sangha te hi Dan in a phal hun leh a phalna hmanrua ngei hmang chauh a Man thin tur te, Luia sangha man tur ten Fishing License kan neih ngei ngei a ngai ani ati.Dan zawm lo te chu The Mizoram Fisheries Act 2002 hmangin Pawisa chawi leh Lung in tan thlengin hrem theih an ni.

YMA te khawngtlang thil pawimawh tak takah an buai thin hle chung pawn kan Ram hmangaih taka thahnem ngai taka Fisheries Department te min thawhpuia,luidung an humhalhna hi kan lawm em em a, Mipui ten YMA te thawhrimna hi hriatpuia  thlawp tlat turin a ngen bawk ani.

Lengpui Branch YMA leh Lengpui Model Branch YMA te bakah hian  YMA Branch 27 dang ten Aizawl District chhung a lui hrang hrang an humhalhin an veng reng thin ani.