2621/2026-2027

Dated Khawzawl, the 11th October, 2026 : Khawzawl District Election Officer Pu K. Vanlalthiana chuan Electoral Roll-a inziahluh runpui Special Enrollment Drive chungchangah hetiang hian thu a chhuah.

PUBLIC NOTICE ON SPECIAL ENROLMENT DRIVE 2026

Election Commission of India lehkha No.23/2025/ERS(Vol-II) dt 01.10.2026 a kan hmuh angin Electoral Roll a chuang tur in ziahluh run pui Special Enrolment Drive October ni 8, 2026 atangin October thla chhung kalpui leh tur a ni a. He enrolment drive ah hian heng a hnuaia ami te tan hian Electoral Roll a inziahluh dilna thehluh theih a ni ang.

i) India khua leh tui dik tak ni si, Special Intensive Revision 2026 kalpui lai a hmaih palh emaw, awm remchan loh avanga electoral roll atanga paih emaw chhan dang engemaw vang a paih te.

ii) India khua leh tui dik tak, October Ni 1 2026 a kum 18 tling thar chin te.

iii) Electoral Roll a inziak lut duh te chuan mahni awmna khua/veng a Booth Level Officer-te hnenah Form-6 hmangin inziahluh theih a ni ang a. Tin, ECINET application hmangin Form-6 hi thehluh theih a ni bawk.

iv) Special Enrolment Drive neih chhung hian pem emaw correction emaw mitthi paih emaw a kalpui theih reng bawk a ni.

v) He Special Enrolment Drive neih tur hian India khua leh tui dik tak ni lo te chu a huam ve lo ang.

vi) 22-Tuichang (ST) AC huam chhunga cheng, India khua leh tui dik tak, Electoral Roll a chuang thei tur ni si, chuanglo kan awm chuan he hun chhung hian electoral roll a inziaklut vek turin kan in ngen in kan in hriattir a ni.