Vawiin khan Agricultural Technology Management Agency (ATMA) Zawlnuam Block, Mamit District buatsaihin Siamliana Hall, Mamit ah Composite Fish Culture & Composite Card Breeding Technigue, tih thupui hmangin training neih a ni. Pu L.V Zomuana, District Agricultural Officer, Project Director, ATMA, Mamit District chuan khuallian niin a hmanpui.

Pu L.V Zomuana chuan Mamit District chu kan vannei hle a, Mizoram pumah Sangha thar chhuak hnem ber kan ni mek a ni a ti, kan ram leilungin a zir avangin kan sangha thar te pawh a hriselin a tui bik hle a ni a ti bawk. DAO hian sawrkar atanga tanpuina hrang hrang kan dawnte hi a nihna tur ang taka kan hman chuan hlawhtlinpui tham a ni tiin eizawnna tlaka hmang tura tan kan lak chu kan tihmakmawh a ni, a ti.  Kalkhawmte chu hlawk taka training turin duhsakna a hlan a ni.

Training hun hi Pu Gregory Malsawmkima, Dy Project Director, ATMA chuan kaihruaiin Pu Vanlalchuailova Asst Fisheries Officer leh Pu B. Lalchungnunga, Fisheries Demonstrator, Mamit District te chuan zirtirna an pe a ni.

Agricultural Technology Management Agency (ATMA) hi Mamit District chhungah Block pathum Reiek, Phaileng leh Zawlnuamah te awmin an ni hian Department thenkhat te thawpuiin training hi an pe thin a ni.

Trainingah hian Zawlnuam Block huam chhunga Sangha khawitu mi 24 an tel a ni.