2271/2023-2024
Aizawl, 11.10.2023: Mizoram Fisheries Amendment Act, 2002 section 5(1) leh (2) behchhanin, Mizoram Larsap chuan, a hnuaia tarlan luia nungcha leh sangha chi hrang hrang te an inthlah pun hunchhunga, tih chhiat leh tih buai an nih loh na turin leh, him taka an inthlahpun theih nan sangha leh nungcha man khapna hun a puang a. Hemi hun chhung hian a hnuaia tarlan sangha leh nungchate man, tih hlum, an chenna leh nunphung tih buai hi a khap tlat a ni:-
1) Lui humhalh hun chhung: 10th October – 18th December, 2023
2) Luidung nungcha humhalhte: Nghalim, Nghadawl, Nghavang, Nghavawk, Nghahrah, Lengphar, Chakai, Chengkawl, Kaikuang etc.
3) Humhalhin a huam chin: Mizoram chhunga Lui leh Luite zawng zawng (Autonomous District Council Areas huam tel lovin)
4) Mizoram Fisheries Act, 2002 Sect. 5 (4) hmanga hremna: Thla khat (1) chhung lung in tan, thla 3 chhung pawhsei theih emaw Rs.5000/ chawitir emaw, a pahnih in emaw.
