2196/2022-2023
Dated Serchhip, the 6th October, 2022: Vawiin khan DoPT, Govermont of India, Administrative Training Institute, Government of Mizoram leh Serchhip Deputy Commissioner tangkawpte buatsaihin Serchhip District a State Assistant Public Information Officer (SAPIO), State Public Information Officer (SPIO) leh Department Appealate Authority (DAA) te tan Right to Information Acts, 2005 leh RTI Online Mizoram chungchang zirhona DC Conference Hall ah neih a ni.

He hunah hian Pu Lalmuansanga Ralte, Addl. DC, bawrhsap mawhphurhna chelh mektu chu khuallian a ni a. Khuallian hian ram changkang zelah khua leh tuiten sawrkar hmalakna leh hnathawhte hriat chian deuh deuh an duh a. Chu chu an chanvo anih bawk avangin an hriat duh leh an zawhnate tha taka kan lo chhan zung zung theih nan kan inbuatsaih a ngai a. Tin, mipuiten awlsam zawka RTI zawhna an zawh theih nan online application siam a nih tak avangin he Application thar hi kan zir ve deuh a tul bawk a. Chuvang chuan vawiina training tura kal ten tha taka kan zirlaite kan ngaihven a tul a ni, a ti a. SAPIO leh SPIO kal khawmte duhsakna a hlan a ni.

Training ah hian Pu K. Saitluanga, Deputy Director, I&PR, RTI District Resource Person chuan RTI dan hnuaia Public Authority te tih tur chung chang leh SAPIO leh SPIO te mawhphurhnate zirtirna a nei a. Pu Stephen Laltlansanga Auhmun, ARDO, District Resource Person in RTI Online chungchang zirtirna neiin, Pi Lalmuankimi, District Course Co-ordinator chuan Chief Information Commission hnathawh dan chungchang zirtirna a nei bawk a ni.

Serchhip, Thenzawl leh E. Lungdar atangin SAPIO leh SPIO thahnem tak an tel a ni.