2197/2022-2023
Lunglei the 6th October, 2022 - Vawiin chawhma dar 10:30 khan Adventist English School of SDA church, Lunglei Bazar vengah Lunglei Forest Division bul tumin National Wildlife week vawi 68-na pualin hun hman a ni.

He hunah hian Pu PC Lalchhandama, Lunglei DFO chuan thu sawiin Pathian thil siam hrang hrangte inbuk tawk leh inlaichin dan, khawsak phung danglam zel avanga a inbuk tawk loh chhoh dan leh a nghawngte baka mihringten thilsiam dangte chunga kan mawhphurhna hrang hrangte Power point Presentation hmangin a hrilhfiah a ni. Ramsa hnumhalhna dan hrang hrangte ngaihthlak a ni bawk.

Vawiin vêk Chawhnu dar 1:30 khan Lunglei Forest Division leh Lunglei Sub- Hqr YMA hnuaia Science & Environment Sub- Committee-te tangkawpin Govt. Vanhne Middle School leh High School zirlaite zingah Ramngaw leh Nungcha humhal chungchang zirtirna pek a ni bawk.

He hun hi Pu R Lalbiakliana, Science & Environment Sub- committee Vice Chairman chuan kaihruaiin Pu K Lalfakzuala'n *Aia upa zah* tih thupui hmang leh Dr Vanlalhruaia'n *Environment humhalh tulna leh hlawkna* tih thupui hmang ten thu an sawi a. Lunglei Forest Division-a thawktute lam atangin Youtube-a ramsa tih hlum lai, thang Kam lai leh thi tawhte tih lan ching ho chhui mek zel an nih thu leh thenkhat chu hremna pek tawh an nih thu bakah Dan leh hrai lama hriattur hrang hrang ngaihthlak a ni bawk.