2176/2025-2026

AIZAWL; the 12^th November,2025: Vawiin khan Aizawl district bawrhsap Er.Lalhriapuia IAS kaihhruaina hnuaiah ‘Iron man of India’ tih hiala an koh, Independent India-a  Home Minister hmasa ber ni bawk, Sardar Vallabhbhai  Patel piancham vawi 150-na puala  Inpumkhatna kawngzawh (Unity March) kar leh zirtawp ni ( 21^st November,2025)  zingkara neih dan tur relin concern department aiawhte an thu khawm.

Inpumkhatna kawngzawh (Unity March)  hi Higher Secondary School 8 thlanchhuaha  NSS ten an nei ang. kawmngzawhtu zirlai naupang te chu pawl hniha inthenin,  pawl khatin Sikulpuikawn atanga zawh tanin,Lammual thleng an zawh ang. Pawl dangin  Chanmari kawn  atanga zawh tanin; Lammual thleng an zawh ve ang. Tichuan Lammualah pawl 2 te hi intawkkhawmin, a kharna inkhawm tawi neih chhunzawm nghal a ni ang. Unity March hi zing 6:30AM ah tanin,  a kharna inkhawm tawi hi Lammual-ah zing 7:00AM ah neih a ni ang.

Vawiin meeting-ah hian ‘Unity March’ programme duan nghal niin, tluang tak leh tha taka Unity March hi neih a nih theih nan department hrang hrang te hnenah mawhphurhna chanvo hrang hrang sem nghal a ni.